Bahot Likha Mohabbat Peh Magar Samjha Nahien Kuch Bhi

Roman Urdu    رومن اردو

Bahot Likha Mohabbat Peh Magar Samjha Nahien Kuch Bhi
Hazaron Hadsey Aaye Magar Daikha Nahien Kuch Bhi

Yeh Kaisi Dastan Hum Nay Raqam Ki Hai Sarabon Pe
Kahein Alfaaz Roothey Hain Kahein Likha Nahin Kuch Bhi

Hawain Raat Bhar Khirki Sey Khailein Aor Urrey Pattay
Bahot Hee Shore Tha Laikin Yahan Toota Nahien Kuch Bhi

Agar Daikhein Zamaney Mein To Hum Sey Kon Mill Paya
Agar Sochein To Jeewan Bhar Yahan Bichara Nahin Kuch Bhi

Meri Aankhon Mein Thehrey Hain Gullabi Zard Rutt Kay Khawab
Abhi Takk Neind Sey Pochoo Yahan Badla Nahin Kuch Bhi

Koi Ekk Karwan Bhi Tha Pass e Gard e Hawa Laikin
Abhi Daikha To Lagta Hai Yahan Thehra Nahien Kuch Bhi

Aqeel Alfaaz Kay Pehloo Mein Kiss Ki Sans Zinda Hai
Parha Tum Nay Sunna Tum Nay Kabhi Poocha Nahien Kuch Bhi

Syed Aqeel Shah

Urdu    اردو

بہت لکھا محبت پہ مگر سمجھا نہیں کچھ بھی
ہزاروں حادثے آئے مگر دیکھا نہیں کچھ بھی

یہ کیسی داستاں ہم نے رقم کی ہے سرابوں پہ
کہیں الفاظ روٹھے ہیں کہیں لکھا نہیں کچھ بھی

ہوائیں رات بھر کھڑکی سے کھیلیں اور اڑے پتے
بہت ہی شور تھا لیکن یہاں ٹوٹا نہیں کچھ بھی

اگر دیکھیں زمانے میں تو ہم سے کون مل پایا
اگر سوچیں تو جیون بھر یہاں بچھڑا نہیں کچھ بھی

میری آنکھوں میں ٹھہرے ہیں گلابی زرد رُت کے خواب
ابھی تک نیند سے پوچھو یہاں بدلا نہیں کچھ بھی

کوئی اک کارواں بھی تھا پسِ گردِ ہوا لیکن
ابھی دیکھا تو لگتا ہے یہاں ٹھہرا نہیں کچھ بھی

عقیل الفاظ کے پہلو میں کس کی سانس زندہ ہے
پڑھا تم نے سنا تم نے کبھی پوچھا نہیں کچھ بھی

سید عقیل شاہ