Aap Jaisey Yahan Fun_kar Bahot Miltey Hain

Roman Urdu     رومن اردو

Aap Jaisey Yahan Fun_kar Bahot Miltey Hain
Jaan O Dill Dainey Ko Tiyar Bahot Miltey Hain

Bholi Bhali Kissi Surrat Pe Nah Jana Sahib !
Gull Kay Parday Mein Yahan Khaar Bahot Miltey Hain

Terey Hathon Ki_e Lakeeron Mein Kai More Milley
Aor Badal Janey Kay Aasaar Bahot Miltey Hain


Mana Hum Jaisey Bhi Lakhon Hain Jahan Mein Lekin
Aap Jaisey Bhi To Sarkar Bahot Miltey Hain

Aankh Khul Janey Pe, Ekk Bar Zarra Aan Millo
Khawab Wadi Kay To Uss Paar Bahot Miltey Hain

Zindagi Koi Koi Janey Bhi To Janey Kaisey
Iss Kahani Mein To Kirdaar Bahot Miltey

Addal Milta Hie Nahin Sarey Zamaney Mein Kahein
Mas_nadein Milti Hain, Darbaar Bahot Miltey Hain

Koi Ta’abeer Ko Tasveer Ka Paiker Bhi To Day
Khaab In Aankhon Ko Baikaar Bahot Miltey Hain

Koi Hadd Hai K Jinhein Mill Kay Milley Hain Khud Se
Woh Bhi_e Miltey Hain To Bezaar Bahot Miltey Hain

Aao Ekk Baar Khulley Dill Se, Mohabbat Se Millein
Mustaqil Dill Pey Liye Baar Bahot Milley Hain

Dill Mein Rakh Karr Koi Poojey Gaa To Maanein Gay Batool
Khaali Khooli Hamein Izhaar Bahot Miltey Hain

Fakhira Batool


Urdu        اردو

آپ جیسے یہاں فنکار بہت ملتے ہیں
جان و دل دینے کو تیار بہت ملتے ہیں

بھولی بھالی کسی صورت پہ نہ جانا صاحب !
گل کے پردے میں یہاں خار بہت ملتے ہیں

ترے ہاتھوں کی لکیروں میں کئی موڑ ملے
اور بدل جانے کے آثار بہت ملتے ہیں

مانا ہم جیسےبھی لاکھوں ہیں جہاں میں لیکن
آپ جیسے بھی تو سرکار بہت ملتے ہیں

آنکھ کھل جانے پہ اک ذرا آن ملو
خواب وادی کے تو اس پار بہت ملتے ہیں

زندگی کو کوئی جانے تو جانے کیسے
اس کہانی میں تو کردار بہت ملتے ہیں

عدل ملتا ہی نہیں سارے زمانے میں کہیں
مسندیں ملتی ہیں،  دربار بہت ملتے ہیں

کوئی تعبیر کو تصویر کا پیکر بھی تو دے
خواب ان آنکھوں کو بیکار بہت ملتے ہیں

کوئی حد ہے کہ جنہیں مل کے ملے ہیں خود سے
وہ بھی ملتے ہیں تو بیزار بہت ملتے ہیں

آواک بار کھلے دل سے ، محبت سے ملیں
مستقل دل پہ لئے بار بہت ملتے ہیں

دل میں رکھ کر کوئی پوجے گا تو مانیں گے بتول
خالی خولی ہمیں اظہار بہت ملتے ہیں

فاخرہ بتول