Aamada e Fanna Hoon Kissi Aor Kay Laye

Roman Urdu    رومن اردو

Aamada e Fanna Hoon Kissi Aor Kay Laye
Hassti Ka Zawiya Hoon Kissi Aor Kay Laye

Ekk Shakhs Thaa Ko Sangg Samjhta Raha Mujhe
Laikin Mein Aaina Hoon Kissi Aor Kay Liye

Daikhey Mirrey Wajood Mein Manzar Jahan Kay
Jaam e Jahan Numma Hoo Kissi Aor Kay Liye

Khudd Ko To Daikhney Ki Bhi Furssat Nahin Mujhe
Parr Aankh Bann Giya Hoon Kissi Aor Kay Liye

Jabb Umer Ki Talash Mein Nikla To Yeh Khulla
Mein Umer Jee Raha Hoon Kissi Aor Kay Liye

Khudd Jall Raha Hoon Dhoop Mein Peepal Ki Shakal Mein
Saayaa Banna Hua Hoon Kissi Aor Kay Liye

Qadmon Kaa Ekk Hajoom Zamaney Kay Wastey
Khamosh Raastah Hoon Kissi Aor Kay Liye

Kion Khainchnay Laggay Hain Mujhe Habss Kay Muqeem
Mein Gosha e Hawa Hoon Kissi Aor Kay Liye

Manzil Tallak Hai Sirf Nigahon Kaa Faaslaa
Kabb Se Rukka Hua Hoon Kissi Aor Kay Liye

Ta’abeer Dhoondtaa Hoon Mein Apney Liyey Nadeem!
Aor Khawab Daikhta Hoon Kissi Aor Kay Liye

Sehan e Chaman Ko Dard Mirrie Aarzoo Rahi
Sehra Mein Khill Raha Hoon Kissi Aor Kay Liyey

Urdu    اردو

آمادہؑ فنا ہوں کسی اور کے لئے
ہستی کا زاویہ ہوں کسی اور کے لئے

اک شخص تھا کہ سنگ سمجھتا رہا مجھے
لیکن آیئنہ ہوں کسی اور کے لئے

دیکھے مرے وجود میں منظر جہان کے
جامِ جہاں نُما ہوں کسی اور کے لئے

خود کو تو دیکھنے کی بھی فُرصت نہیں مجھے
پر آنکھ بن گیا ہوں کسی اور کے لئے

جب عمر کی تلاش میں نکلا تو یہ کُھلا
میں عمر جی رہا ہوں کسی اور کے لئے

خود جل رہا ہوں دھوپ میں پیپل کی شکل میں
سایہ بنا ہوا ہوں کسی اور کے لئے

قدموں کا اک ہجوم زمانے کے واسطے
خاموش راستہ ہوں کسی اور کے لئے

کیوں کھینچنے لگے ہیں مجھے حبس کے مقیم
میں گوشہ ہوا ہوں کسی اور کے لئے

منزل تلک ہے صرف نگاہوں کا فاصلہ
کب سے رُکا ہوا ہوں کسی اور کے لئے

تعبیر ڈھونڈتا ہوں میں اپنے لئے ندیم!
اور خواب دیکھتا ہوں کسی اور کے لئے

صحنِ چمن کو درد مری آرزو رہی
صحرا میں کِھل رہا ہوں کسی اور کے لئے