Ekk Tamasha Sa Mujh Mein

Roman Urdu      رومن اردو

Ekk Tamasha Sa Mujh Mein Bappa Reh Giya

Mera Saya Mujhey Dhoondta Reh Giya

Munqasam Youn Hoon Zakhmon Ki Taqseem Se

Chaak Dar Chaak Hoon Kuchh Bacha Reh Giya

Rooh Uss K Taaqub Mein Gum Ho Chukki

Nok Par Jism Ki Sar Dharra Reh Giya

Chhor Kar Chal Diye Sab Merrey Matmi

Aik Mein Aik Dasht e Azza Reh Giya

Mujh Pe Taazeer e Harf e Allam Lag Challi

“Kia Kahon Aor Kehney Ko Kiya Reh Giya”

Jall Giya Apni Aatish Mien Nimrood e Dil

Munkir e Ishq Thaa Sokhta Reh Giya

Mein Nay Likhi Jo Shami Ghazal Rashk Se

Har Sukhanwar Mujhe Dekhta Reh Giya

Hasnain Shami

Urdu   اردو

اک تماشا سا مجھ میں بپا رہ گیا

میرا سایہ مجھے ڈھونڈتا رہ گیا

منقسم یوں ہوں زخموں کی تقسیم سے

چاک در چاک ہوں کچھ بچا رہ گیا

روح اس کے تعاقب میں گم ہو چکی

نوک پر جسم کی سر دھرا رہ گیا

چھوڑ کر چل دیئے سب مرے ماتمی

ایک میں ایک دشتِ عزا رہ گیا

مجھ پہ تعزیرِ حرفِ الم لگ چلی

"کیا کہوں اور کہنے کو کیا رہ گیا"

جل گیا اپنی آتش میں نمرودِ دل

منکرِ عشق تھا سوختہ رہ گیا

میں نے لکھی جو شامی غزل رشک سے

ہر سخن ور مجھے دیکھتا رہ گیا

حسنین شامی