Tadap Kar Jab Kaha Dil Nay K Pehlu Se Nikaltey Hain
To Jaan e Natwan Boli K Chaliye Hum Bhi Chaltey Hain
Mazza Jab Hai K Aa Jaye Kahein Unki Tabiat Bhi
Zarra Wo Bhi To Janein, Kion Kar Karwat Badltey Hain
Janon K Josh Mein Daman Geraiban Se Ye Kehta Hai
K Daikhein Tum Nikltey Ho K Hum Pehley Nikaltey Hain
Hameen Nay De K Dil Chalein Sikhain Dilrubai Ki
Khuda Ki Shaan Ye But Ab Hameen Se Chaal Chaltey Hain
Jalil Ahbab Ki Farmaishon Se Naak Mein Dam Hai
Samjh Rakha Hai Sb Nay, Shair Bhi Sanchey Mein Dhaltey Hain
No comments:
Post a Comment