Suna Hai Bohat Sasta Hai Khoon Wahan Ka

Suna Hai Bohat Sasta Hai Khoon Wahan Ka

Ek Basti K Jise Log Kashmir Kehte Hain...

Ek Lafz-e-Mohabbat Ka Adnaa Sa

Ek Lafz-e-Mohabbat Ka Adnaa Sa Fasaana Hai

Simtay To Dil-e-Aashiq, Phailay To Zamana Hai...

Zindagi Be-Saibaan Be-Ghar Kahin Aisi Na Thi

Zindagi Be-Saibaan Be-Ghar Kahin Aisi Na Thi

Aasmaa Aisa Nahi Tha Aur Zamee Aisi Na Thi

Hum Bicharne Se Hue Gumrah Warna Is Se Qabal

Mera Daaman Tarr Na Tha Teri Jabeen Aisi Na Thi...

Mohabbat Khud Batati Hai Kahan Kis Ka Thikana Hai

Mohabbat Khud Batati Hai

Kahan Kis Ka Thikana Hai

Kise Aankhon Me Rakhna Hai

Kise Dil Me Basana Hai

Reha Karna Hai Kis Ko Aur

Kise Zanjeer Karna Hai

Mitana Hai Kise Dil Se

Kise Tehreer Karna Hai

Ise Maloom Hota Hai

Safar Dushwar Kitna Hai

Kisi Ki Chashm-e-Girya Me

Chupa Iqrar Kitna Hai

Shajar Jo Girne Wala Hai

Wo Saya Daar Kitna Hai

Mohabbat Khud Batati Hai

Kahan Kis Ka Thikana Hai...!

Duaaen Karta Tha Ujjre Hue Mazaaron Pe

Duaaen Karta Tha Ujjre Hue Mazaaron Pe

Bare Ajeeb Sahaare Talaash Karta Tha

Bhulaaye Kon Aziyyat Pasandiyaan Us Ki

Khushi K Dher Me Sadmy Talash Karta Tha...

Ab Bhi Aa Jata Hai Mere Khayaalon Me

Ab Bhi Aa Jata Hai Mere Khayaalon Me Wo

Aaj Bhi Lagti Hai Haazri  Us Ghair Haazir Ki...

Jane Wale Manzilon Ko Jaate Jaate Keh Gaye

Jane Wale Manzilon Ko Jaate Jaate Keh Gaye

Tum Raste Ki Dhool The So Raste Me Reh Gaye...